SANTIAGO DE COMPOSTELA, 1 Oct. (EUROPA PRESS) -
O cantante David Bustamante levará a Vigo e A Coruña os próximos días 21 e 22 senllos concertos dentro da xira 'Amor de los dos'.
Segundo un comunicado difundido por Cávea Producións, ambos os dous recitais terán lugar ás 21,00 horas. O primeiro terá lugar no Auditorio Mar de Vigo e o segundo, no Pazo da Ópera da Coruña.
As localidades están á venda en 'www.ataquilla.com', a central de espectáculos (Vigo), a taquilla da Praza de Ourense (A Coruña), nas sedes AFundación de Galicia e en 'www.caveaproducciones.com' cun custo a partir de 25 euros.
