SANTIAGO DE COMPOSTELA, 30 Abr. (EUROPA PRESS) -
A Cidade da Cultura acollerá este sábado día 6 de maio a terceira edición de 'Rapaciñ@s: a tecnoloxía ben segura', unha iniciativa conxunta do Colexio profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega).
Trátase dun gran evento que combina actividades para pais e nenos ao redor da seguridade en Internet e a creatividade das novas tecnoloxías, segundo indicou a Xunta nun comunicado.
A xornada, que se desenvolverá no Edificio Cinc, arrincará ás 16,30 horas coa recepción dos asistentes aos talleres de robótica educativa, Sploder, Leigo e Makey Makey con Scratch, dirixidos a nenos e nenas de entre oito e 14 anos.