Deteñen en Vigo por un intento de roubo con forza a un home de 50 anos con 69 antecedentes policiais

   Axentes do Corpo Nacional de Policía da Comisaría de Vigo detiveron nas últimas horas a un home de 50 anos de idade, C.C.R., por un intento de roubo con forza nunha cafetaría, e ao que lle constan 69 antecedentes policiais.

   Segundo informaron fontes da Comisaría, os feitos producíronse na madrugada deste venres, e foi unha testemuña o que alertou a Policía de que un individuo fracturara o cristal da porta de acceso a unha cafetaría da rúa Salamanca. O presunto ladrón fuxiu ao decatarse da presenza deste cidadán.

   Cando chegou a dotación logrou localizar o sospeitoso na rúa Sevilla, onde foi detido por un intento de roubo con forza. Unha vez en comisaría comprobouse que o home, que xa pasou a disposición xudicial e foi sometido a un xuízo rápido, contaba con 69 antecedentes policiais.