Detido un mozo en Verín (Ourense) por tráfico de drogas, que eleva a 11 os arrestados dende xaneiro na operación

OURENSE 4 Mar. (EUROPA PRESS) -

O Equipo de delincuencia organizada e Antigroga (EDOA) detivo a un mozo de 26 anos veciño de Verín (Ourense) no marco dunha operación contra o tráfico de drogas, na que dende xaneiro xa foron arrestadas once persoas.

Segundo informou hoxe a Guardia Civil, con motivo do seguimento da operación desenvolvida en Verín durante os últimos meses foi detido ás 18.00 horas de onte J.V.F., de 26 anos e veciño de Verín, como presunto autor dun delito de tráfico de drogas.

A operación iniciouse no mes de xuño e o 17 de xaneiro, na primeira fase, foron detidas cinco persoas e outras cinco na segunda desenvolvida o mes pasado.

Así, o 22 de febreiro ás 13.50 horas foron arrestados I.F.Y., cidadán ecuatoriano de 25 anos; W.W.Y., de 32 anos, da mesma nacionalidade, ao que se lle imputa tamén tenza ilícita de armas; M.Y.C., da mesma procedencia, de 28 anos; e R.M.G., cidadán brasileiro de 18 anos de idade, todos veciños de Verín.

Ademais, practicáronse tres rexistros domiciliarios nos que se incautaron oito gramos de cocaína, 400 gramos de marihuana, varios útiles para envase de drogas, unha pistola do calibre 6,35 mm, dous cartuchos e 9.030 euros en efectivo.

Posteriormente, o día 23 ás 20.15 horas foi detido M.L.R., de 43 anos de idade e veciño de Verín, que compraba droga aos anteriormente arrestados para vendela ao menudeo.