Detido un veciño de Verín (Ourense) cando saía dun domicilio con efectos subtraídos

Europa Press Galicia
Actualizado: miércoles, 22 mayo 2013 11:57
Seguir en

OURENSE 22 May. (EUROPA PRESS) -

A Guardia Civil da localidade ourensana de Verín detivo un veciño deste municipio como presunto autor dun roubo tras ser localizado cando saía dun domicilio cos efectos subtraídos.

Segundo informa o Instituto Armado, ás 3.40 horas do martes 21 de maio foi arrestado J.S.B., de 45 anos de idade e veciño de Verín, como presunto autor dun delito de roubo con forza cometido nun domicilio da localidade.

As mesmas fontes indican que a Guardia Civil foi alertada por un veciño e, no momento de chegar a patrulla, o individuo dispoñíase a saír do domicilio cos efectos subtraídos.

A Benemérita indicou que lle foron intervidos cinco reloxos e varias ferramentas subtraídas do domicilio. As dilixencias instruídas foron remitidas ao Xulgado de Instrución Número 1 de Verín.

Contenido patrocinado