Detidos tres mozos por roubar xoias valoradas en 7.000 euros nunha vivenda no Carballiño (Ourense) e vendelas

Europa Press Galicia
Actualizado: jueves, 21 enero 2010 10:52
Seguir en

OURENSE 21 Ene. (EUROPA PRESS) -

A Guardia Civil da localidade ourensana do Carballiño detivo a tres mozos de 19, 20 e 21 anos de idade como presuntos autores do roubo de xoias valoradas en 7.000 euros nunha vivenda do municipio, que foron intervidas en xoiarías de Ourense onde fora vendida.

Segundo informou hoxe o Instituto Armado, foron detidos ás 12.00 horas de onte día 20 de xaneiro A.V.R., de 20 anos e veciño do Carballiño; A.F.M., de 19 anos e veciña de Ourense; e a cidadá portuguesa A.B.R., de 21 anos e residente na primeira localidade.

Aos tres arrestados impútanlles un suposto delito de roubo acontecido o pasado día 8 de xaneiro nunha vivenda en Partovia, na localidade do Carballliño.

Os ladróns apoderáranse de xoias por valor de 7.000 euros tras forzar unha ventá para acceder ao domicilio. Os efectos subtraídos foron intervidos en dúas xoiarías de Ourense, onde foran vendidas.

Os mozos detidos pasarán a disposición xudicial a partir das 10.00 horas de hoxe no Xulgado de Instrución Número 1 do Carballiño.

Contenido patrocinado