MADRID/SANTIAGO DE COMPOSTELA, 17 Ene. (EUROPA PRESS) -
A Policía Municipal de Madrid detivo este luns na rúa General Yagüe a dous coñecidos estafadores, ao galego Roberto Neira e ao estafador que copiou as tarxetas de visita e o logotipo das adegas do grupo empresarial do futbolista Andrés Iniesta, que ten en Fuentealbilla, informaron a Europa Press fontes deste corpo.
As detencións producíronse na rúa General Yagüe, 5 cando axentes da Unidade de Investigación e Coordinación Xudicial en cumprimento dun oficio do Xulgado nº2 de Ourense localizaron un vehículo utilizado por un dos estafadores, tamén buscado por ser un presunto maltratador.
Unha vez detido o vehículo identificouse os ocupantes coincidindo un deles, Roberto Neira, coa descrición do agresor que se estaba buscando e que se identificou con documentación subtraída a outra persona. O outro individuo tamén contaba cunha orde de detención e ingreso en prisión por estafa.
Sobre o primeiro, Neira, pesaban varias requisitorias de investigación de domicilio, detención e ingreso en prisión, investigación de domicilio e prohibición de saída do territorio por delito de estafa; así como tres controis específicos referidos a malos tratos habituais dentro do ámbito familiar e agresión sexual grave con orde de afastamento. Tamén se lle investiga por un delito de usurpación de estado civil e falsidade documental.
Trala toma de declaración de ambos procedeuse á súa posta a disposición xudicial.