SANTIAGO DE COMPOSTELA, 26 Ene. (EUROPA PRESS) -
A vicevoceira de Alternativa Galega de Esquerda (AGE) e coordinadora de Esquerda Unida, Yolanda Díaz, considerou que "unha mente lúcida" como a do seu compañeiro de coalición e líder de Anova, Xosé Manuel Beiras, "non vai deixar perder a oportunidade ou cometer a irresponsabilidade de non formar parte" dos cambios políticos da actualidade.
Segura de que rematará a lexislatura no escano parlamentario, salvo que aconteza algo "grave", aínda que consciente de que está "canso" e sufriu un "achaque" este verán, Yolanda Díaz pronunciouse así ao respecto das palabras de Beiras pronunciadas nunha entrevista en 'V Televisión' sobre o seu certo arrepentimento por presentarse na coalición en 2012.
En todo caso, Díaz enmarcouno na situación que vive o Parlamento, que "non ten que ver co que el coñeceu" e que porque hai un "grupo de goberno que nin sequera" mantén "as formas parlamentarias".
Non obstante, reiterou que Beiras, "ao igual que outras persoas relevantes", son ese "facho que vai seguir iluminando e achegando no proceso deconstituyente, e constituínte despois que se inicie, sen lugar a dúbidas no conxunto do Estado".
"SERVIDOR PÚBLICO"
Yolanda Díaz asegurou que Beiras é un "servidor público por excelencia" e opinou que "a súa personalidade lle impediría non formar parte do proceso intenso, convulso e revolucionario no conxunto do estado e de Europa".
"Vivimos tempos trepidantes, e unha mente lúcida como Beiras non vai deixar perder esa oportunidade ou cometer a irresponsabilidade de non formar parte", resolveu.
