Dous traballadores resultan feridos en senllos accidentes laborais en Vilagarcía (Pontevedra) e Vilalba (Lugo)

Europa Press Galicia
Actualizado: miércoles, 19 noviembre 2008 14:15
Seguir en

SANTIAGO DE COMPOSTELA 19 Nov. (EUROPA PRESS) -

Dous traballadores de 49 e 48 anos de idade resultaron hoxe feridos de diversa consideración en senllos accidentes laborais rexistrados como consecuencia de caídas dende unha altura nos termos municipais de Vilagarcía de Arousa (Pontevedra) e Vilalba (Lugo).

Segundo informou a Europa Press o 112, o primeiro dos sinistros tivo lugar sobre as 9.50 horas no polígono de Bamio, en Vilagarcía, nunha nave situada no número 69 da rúa Pedroso.

Ao lugar acudiron efectivos da Policía Local, Guardia Civil, así como do Grumir e da Agrupación de Voluntarios de Vilagarcía. Unha ambulancia asistencial do 061 evacuou ao ferido, F.C.R., de 49 anos, con dor nas costas, ao Hospital do Salnés.

Uns minutos antes das 11.00 horas rexistrouse outro accidente laboral nunha obra situada no número 23 da rúa Guitiriz, en Vilalba, onde un operario se precipitou ao baleiro dende uns tres metros de altura.

O 112 mobilizou á Policía Local, que trasladou ao punto unha patrulla, e ao Grumir. Unha ambulancia asistencial atendeu no lugar ao traballador ferido, A.P.F., de 48 anos, que foi evacuado ao Hospital Xeral Calde de Lugo con traumatismo craneoencefálico e traumatismo nun ombro.

Contenido patrocinado