SANTIAGO DE COMPOSTELA, 20 Nov. (EUROPA PRESS) -
O presidente do Parlamento galego, Miguel Santalices, ordenou a expulsión da tribuna de invitados de veciños de Rianxo (A Coruña) que reclaman un centro de día.
Durante o debate de totalidade do proxecto de orzamentos para 2018, unha anciá púxose a gritar e a chorar, ante o cal o presidente da Cámara ordenou que abandonase a bancada.
"Eu xa non volverei aquí", dixo esta muller visiblemente emocionada, que se lamentou da súa situación familiar, e que foi acompañada polos seus veciños fose do hemiciclo.
Este luns, unha vintena de veciños de Rianxo, varios deles de idade avanzada, volveron a concentrarse ante o Pazo do Hórreo para demandar un centro de día. Levan máis catro meses de peche no consistorio municipal por esta causa.