A ocupación neste área aumentou 1,1 neste mes na Comunidade galega
SANTIAGO DE COMPOSTELA, 19 Dic. (EUROPA PRESS) -
O sector servizos en Galicia rexistrou en outubro un aumento da súa facturación do 4,4% en relación co mesmo mes de 2013, un incremento superior á suba rexistrada a nivel estatal (+4%), segundo os datos provisionais publicados este venres polo Instituto Nacional de Estatística (INE).
Así mesmo, a ocupación no sector na Comunidade galega aumentou 1,1 en outubro respecto ao mesmo mes do pasado exercicio, aínda que esta suba é inferior á media estatal (+1,8). O maior crecemento tivo lugar en Baleares, cun 4,2% máis.
De media do que vai de ano, a taxa de facturación no sector servizos crece na Comunidade galega un 2,5%, mesma cifra que a estatal, que tamén é do 2,5%.
Ademais, no que vai deste 2014 o emprego creceu un 0,1% na Comunidade galega, fronte ao incremento medio do 1% no total do Estado. Con todo, a taxa de ocupación en Galicia caeu un 0,4% en outubro en comparación co mes anterior de setembro. En taxa interanual hai un aumento do 1,1% en outubro en Galicia.
