Falece un home de 59 anos en Ourense tras declararse un incendio na vivenda na que se atopaba cun sobriño

Europa Press Galicia
Actualizado: martes, 18 noviembre 2008 10:17
Seguir en

OURENSE 18 Nov. (EUROPA PRESS) -

Un home de 59 anos faleceu esta madrugada no lugar de Barrio, na parroquia ourensana de Untes, tras declararse un incendio nunha vivenda unifamiliar.

A Policía Local de Ourense recibiu o aviso por parte dun veciño en torno ás 00.40 horas. Segundo informaron fontes policiais, o lume declarouse nunha vivenda unifamiliar de dúas plantas en cuxo interior se atopaba a vítima co seu sobriño, de 35 anos, quen deu a voz de alarma aos veciños para que avisasen á Policía Local.

Ademais da Policía Local e Bombeiros, tamén se trasladaron á zona efectivos da Guardia Civil e do 061, que xa nada puideron facer por salvar a vida do home de 59 anos. O corpo da vítima foi trasladado ao Complexo Hospitalario de Ourense (CHOU) onde se lle practicará a autopsia.

Pola súa banda, o sobriño da vítima saíu ileso do incendio. A Policía científica prosegue as investigacións no lugar dos feitos, que se atopa acordoado, para determinar a orixe do lume.

Contenido patrocinado