SANTIAGO DE COMPOSTELA, 21 Sep. (EUROPA PRESS) -
Unha peregrina de nacionalidade inglesa resultou ferida na mañá deste domingo tras sufrir un atropelo na N-550, ao seu paso por Caldas de Reis (Pontevedra), cando cruzaba a vía.
Segundo explicaron a Europa Press fontes de Protección Civil, o suceso tivo lugar pouco despois das 11,00 horas cando a muller, duns 30 anos, foi alcanzada por un turismo cando cruzaba a rúa San Roque do municipio.
Ata o lugar trasladáronse, ademais dos efectivos de Protección Civil, unha ambulancia do Servizo de Urxencias Médicas, que trasladou a muller ao PAC do municipio para recibir atención médica, xa que presentaba un golpe na cabeza.
As mesmas fontes indicaron que a moza cruzaba cara ao Camiño Portugués acompañada dun grupo de peregrinos tamén ingleses cando se produciu o accidente.