Garzón.- Unha trintena de persoas concéntranse en Lugo en protesta pola inhabilitación do xuíz

Europa Press Galicia
Actualizado: jueves, 9 febrero 2012 21:24
Seguir en

LUGO 9 Feb. (EUROPA PRESS) -

Máis dunha trintena de persoas concentráronse dende as 18.00 horas deste xoves na Praza Maior de Lugo, ante a casa do concello, para protestar contra a inhabilitación do xuíz Baltasar Garzón polo caso das escoitas na trama Gürtel.

Os asistentes colocaron pancartas no chan con lemas como: "Garzón si, TS non". Un dos concentrados, que actuou como voceiro improvisado, Senén Olano, indicou que son "un grupo de cidadáns" que "só" queren ser escoitados ante a "inxustiza" que se cometeu co xuíz da Audiencia Nacional, condenado a once anos de inhabilitación por prevaricación nas escoitas aos avogados que defenden aos imputados na Gürtel.

Este grupo de persoas indicou que non descartan repetir as mobilizacións, co fin de manifestar o seu apoio ao xuíz neste e nos outros procesos aínda en marcha contra el.

Contenido patrocinado