SANTIAGO/MADRID, 27 Feb. (EUROPA PRESS) -
Inditex, Telefónica e Santander son as empresas que encabezan o ranking de Innovación, segundo a enquisa Innov@cción 2014, realizada pola consultora especializada en Xestión de Persoas, PeopleMatters, e a unidade de negocio de Business Integration Partners especializada en proxectos de estratexia e xestión da innovación, Ars et Inventio.
Por detrás destas empresas, conpletando o 'top' dez das empresas españolas máis innovadoras sitúanse Repsol, Iberdorla, BQ, Mercados, Privaliz, Gas Natural Fenosa e Acciona.
No que se resfiere a empresas mundiais, o ranking encabézao Apple, seguida de Google, Samsung e Facebook. O cuarto e quinto posto é para Ikea e Coca-Cola ás que seguen Microsoft, Amazon, IBM e Airbus.
O obxectivo deste estudio é analizar a opinión de directivos, profesionais e expertos ligados ao mundo da Innovación respecto á importancia e grao de madureza co que as empresas españolas abordan o reto de innovar. Este ano, de forma adicional, incluíuse tamén a opinión dos estudantes que están a cursar un Erasmus e que supoñen a canteira de talento das compañías.
Para a socia de PeopleMatters, Susana Marcos, estes anos de incerteza fixeron "esencial" que as empresas evolucionen e se reinventen para xerar novas oportunidades de negocio a medio e longo prazo, mesmo para non perder a posición nos seus respectivos mercados.
"Unha estratexia como a innovación podería ser a clave para conseguilo, coas súas vantaxes pero tamén cos seus riscos. A innovación require que a empresa inverta para levar ideas ao mercado -non só xeralas- e conseguir algún retorno", explicou Marcos.
