LUGO, 18 Jun. (EUROPA PRESS) -
A investigación policial apunta a unha "desaparición voluntaria" da moza de 22 anos do municipio lucense de Barreiros coa que desde o pasado 14 de xuño a súa familia non ten contacto.
Así o apuntaron a Europa Press fontes próximas á investigación, que leva a Policía Nacional coa colaboración da Guardia Civil, despois de ser localizado o coche da moza estacionado nas proximidades da Estación de Autobuses de Lugo.
As mesmas fontes aseguraron que o vehículo da moza foi localizado "perfectamente pechado e estaciono" na zona da Estación de Autobuses de Lugo.
A familia da moza, que denunciou a súa desaparición na Comisaría da Policía Nacional en Lugo, difundiu un cartel coa foto da rapaza, Jennifer Ferreiro González, de 22 anos, no que indica que leva desaparecida desde o xoves 14 de xuño.
No marco da colaboración na investigación aberta, o Instituto Armado procedeu a tratar de localizar o teléfono móbil da moza, con residencia en Barreiros.