Foto: EUROPA PRESS
av2" class="NormalTextoNoticia" itemprop="articleBody">
A CORUÑA, 19 Sep. (EUROPA PRESS) -
O delegado do Goberno en Galicia, Samuel Juárez, manifestou que as investigacións sobre o asalto á casa rectoral de Padrón (A Coruña) acontecido o pasado domingo "van por bo camiño" e engadiu que espera que se resolva "o antes posible".
A preguntas dos xornalistas, antes de asistir ao acto conmemorativo dos 25 anos de creación da Universidade da Coruña (UDC), sinalou que as investigacións "están a avanzar". "Creo que van por bo camiño", recalcou.
Pola súa banda, a Garda Civil continúa coas pescudas para localizar os autores do asalto á casa rectoral de Padrón acontecido na noite do domingo, que se saldou co cura ferido e a súa asistenta falecida.
O vehículo do cura da parroquia de Cruces, un Peugeot de cor branca, na que fuxiron os asaltantes da casa rectoral na noite do domingo, foi localizado no municipio limítrofe de Pontecesures (Pontevedra).
Os feitos sucederon sobre as 21,00 horas do domingo na casa rectoral situada na parroquia de Cruces, en Padrón. Foi o propio párroco o que chamou ás emerxencias tras ser amordazados a súa asistenta e el por varias persoas, tres, segundo as manifestacións do cura.
