Leiceaga di que a súa "aspiración" é rematar o curso político como voceiro parlamentario pero elude aclarar o seu futuro

Europa Press Galicia
Actualizado: viernes, 3 septiembre 2010 17:22
Seguir en

SANTIAGO DE COMPOSTELA 3 Sep. (EUROPA PRESS) -

O voceiro parlamentario do PSdeG, Xaquín Fernández Leiceaga, confirmou este venres que a súa "aspiración" é "rematar o curso político" no seu actual cargo e subliñou que, "previsiblemente, iso é o que sucederá".

Preguntado en rolda de prensa sobre a posibilidade de que abandone o seu escano para concorrer como número dous do alcalde de Santiago, Xosé Sánchez Bugallo, na lista para as eleccións municipais de maio de 2011, resolveu que "ata febreiro ou marzo" non se elaboran as candidaturas.

A maiores, Leiceaga deixou claro que a súa "opinión" será "moi importante en todo o que suceda" en relación coa súa presenza na lista, pero eludiu aclarar cál é a súa pretensión.

Entre risas, resolveu a cuestión afirmando que non aspira "á Alcaldía de Ribeira", en referencia á pretensión do seu homólogo no PPdeG, Manuel Ruiz Rivas, de ser cabeza de cartel nesta localidade coruñesa.

Contenido patrocinado