VILAGARCÍA DE AROUSA (PONTEVEDRA), 28 Nov. (EUROPA PRESS) -
Axentes da Policía Nacional localizaron esta tarde en Vigo a nova vilagarciana de 17 anos da que non se tiñan noticias dende o mediodía do mércores.
Segundo fontes policiais, a investigación, levada a cabo dende a Comisaría de Policía de Vilagarcía, levou a situar o paradoiro da moza na cidade de Vigo.
Unha vez localizada, a Policía alertou os pais da menor da súa situación e foron eles mesmos quen persoalmente desprazáronse ata a Vigo para recollela e traela consigo de novo ao seu domicilio en Vilagarcía. O pai da moza confirmou a Europa Press que a menor "está ben". "E xa está connosco", manifestou.
Polo momento descoñécense as causas polas que a moza decidiu non regresar á casa dos seus pais o mércores tras finalizar as súas clases, sen deixar ningún tipo de aviso nin atender ás chamadas que lle efectuaban.
