VIGO 18 Nov. (EUROPA PRESS) -
Un incendio que se declarou esta madrugada nunha nave do polígono industrial das Gándaras, na localidade pontevedresa do Porriño, destruíu por completo as instalacións dunha empresa dedicada á reciclaxe de materiais, segundo informaron a Europa Press os bombeiros do Porriño.
O servizo de extinción recibiu o aviso sobre as 4.00 horas desta madrugada e desprazouse ao polígono, onde estaba a arder a nave da empresa Xes Natura.
As lapas calcinaron por completo o interior do local, onde se almacenaba maquinaria de reciclaxe e compostaxe, así como residuos pendentes de tratar, así como a estrutura da nave.
A virulencia do incendio provocou que houbese que pedir reforzos ao parque municipal de bombeiros de Vigo, que apoiaron os labores de extinción ata as 8.00 horas. No lugar permanecen efectivos dos bombeiros do Porriño apagando os rescaldos e removendo os entullos.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)