Un manual de formación ofrece pautas a coidadores "non profesionais" para mellorar a atención a persoas dependentes

SANTIAGO DE COMPOSTELA, 3 (EUROPA PRESS)

Un manual de formación orientado aos coidados no ámbito familiar das persoas dependentes ofrecerá pautas de actuación para mellorar a calidade da atención a este colectivo, segundo asegurou a conselleira de Traballo e Benestar, Beatriz Mato, na presentación desta iniciativa.

O obxectivo do seu departamento é que esta publicación sirva de guía aos coidadores "non profesionais", dado que detalla as "principais" habilidades, estratexias e procesos para afrontar "correctamente" a atención aos dependentes.

O documento foi elaborado polo Executivo autonómico en colaboración coa Sociedade Galega de Medicos Xerais e de Familia (SMEG). E, tal e como destacou o presidente da SMEG, Manuel Devesa, ofrece en catro módulos as "pautas básicas" polas que os coidadores non profesionais "deben guiarse" e varios consellos para "garantir o benestar" da persoa coidadora.

A xuízo da titular de Traballo e Benestar, este manual é o "punto de partida" dun programa que inclúe cursos de formación "en numerosas localidades galegas" en materia de dependencia para avanzar na "mellora da calidade de vida" de todos habitantes da comunidade.

CENTRO DE ALZHEIMER DE RIBEIRA

Por outra banda, Mato manifestou "o compromiso" da Xunta coa atención social e a "súa aposta" polos servizos que necesitan "tódalas persoas con dependencia" e "en especial" as que padecen Alzheimer, para o que "están a traballar", dixo, na posta en funcionamento de prazas de residencias e de centros de día.

Nesta liña, sinalou que a Xunta inaugurou este venres no municipio de Ribeira, en A Coruña, un centro que porá atención nun total de 30 persoas que padecen Alzheimer e no que o seu departamento inverteu "un total de 150.000 euros".