SANTIAGO DE COMPOSTELA, 25 Feb. (EUROPA PRESS) -
Unha muller faleceu este domingo logo de envorcar por un golpe de mar a planadora na que navegaba pola costa do municipio coruñés de Ribeira.
O suceso, segundo informa o CIAE 112 Galicia, tivo lugar ás 16,50 horas deste domingo en Punta do Couso, na parroquia de Aguiño.
Logo de recibir o aviso de mans de Urxencias Sanitarias 061, o 112 puxo o caso en coñecemento de Salvamento Marítimo, que mobilizou unha embarcación até o lugar do accidente para recuperar o corpo sen vida da vítima.
O cadáver foi trasladado por Salvamento ao porto de Ribeira. O 112 tamén informou do sucedido a Protección Civil, Policía Nacional, Garda Civil, Servizo de Gardacostas de Galicia e Policía Nacional.
