Pachi Vázquez critica que en Galicia "a anécdota e a descalificación" substitúan o debate da calidade democrática

EUROPA PRESS

OVIEDO, 18 May. (EUROPA PRESS) -

O secertario xeral do PSdeG criticou que en Galicia, nestes momentos, "a anécdota, o chascarrillo, o chiste ou a descalificación" estean substituíndo ao debate político sobre a calidade democrática, fronte ao que apostou por "falar de política con maiúscula, de emprego, de calidade democrática e de participación".

Así se manifestou este sábado o dirixente socialista durante a súa intervención na xornada de preparación da Conferencia Política do PSOE, que celebraron este sábado en Oviedo, e na que Vázquez avogou pola "transparencia e participación" para "cimentar" unha nova relación coa sociedade e que a cidadanía "senta a política como algo propio".

Segundo criticou o secretario xeral dos socialistas galegos, neste momento a Comunidade galega "ten un presidente que se dedica a insultar e ser insultado en lugar de dedicarse a gobernar". "É o tempo de pensar nos cidadáns que o están pasando moi mal e necesitan doutra democracia que lles cambie a vida", sinalou.

"Sería contradictorio falar de que a xente participe máis e os militantes menos", asegurou Vázquez en referencia á consulta á militancia para a elección do Secretario Xeral do PSdeG, pretende ser referendada polo Comité Federal do PSOE do día 7 de xullo.

Así mesmo, Pachi Vázquez manifestouse convencido de que o máximo órgano entre congresos socialistas dará a súa aprobación á proposta aprobada no Comité Nacional dos socialistas galegas. "Creo que imos todos no mesmo camiño", sinalou o máximo responsable dos socialistas galegos.

Para rematar, sinalou que, tras revisar os documentos que se están debatendo "vaise máis aló" e estudouse levar á Conferencia Política a sistematización da elección dos Secretarios Xeriais polo sistema de primarias.

"No fondo, primarias é sinónimo de participación e implicación de cidadáns e militantes, e ese é o camiño", sinalou.