SANTIAGO DE COMPOSTELA, 23 Mar. (EUROPA PRESS) -
A Consellería de Facenda destacou que o produto interior bruto (PIB) de Galicia alcanzou a taxa "máis alta" de toda a serie histórica, ao crecer até o 90% da media española.
A través dun comunicado de prensa, o departamento autonómico resalta dos datos que publica este venres o Instituto Nacional de Estatística (INE) que Galicia igualou o crecemento de España e creceu 0,7 puntos máis que a media da Unión Europea, "polo que segue avanzando no proceso de converxencia con Europa".
Ademais, mantense, apunta, entre as comunidades con "mellor comportamento" do PIB desde que empezou a recuperación económica. Segundo o INE, é a terceira que máis subiu no últimos tres anos, entre 2015 e 2017, cunha media do 3,62%, case catro décimas máis que a media estatal (3,25%).
"Isto ratifica que a economía galega está a alcanzar un comportamento mellor do previsto no Plan Estratéxico de Galicia, que estima un crecemento medio do 2,5% no período 2015-2020", conclúe.
