A voceiro nacional reclama "por coherencia e por dar exemplo ante os cidadáns" que esta suba se retire dos presupostos
FERROL, 9 Dic. (EUROPA PRESS) -
A voceira do BNG no Parlamento de Galicia, Ana Pontón, asegurou que o presidente da Xunta, Alberto Núñez Feijóo, "confunde a súa maioría absoluta con ter patente de corso para facer o que quere", en relación ao incremento de soldo nos altos cargos do Goberno galego respecto ao ano pasado.
Así, na súa visita ao municipio coruñés de San Sadurniño este venres, Pontón incidiu en que lle parecería "ben" que o presidente galego "se"subise un sete por cento o salario se esa fose a mesma suba que fosen ter todos os traballadores e todos os pensionistas desta país".
Así mesmo, asegurou que "lamentablemente" esa "non é a realidade", polo que dende o BNG verían "lóxico, por coherencia e por dar exemplo ante os cidadáns", que esta suba "se retirase do presuposto da Xunta e destinásese a outro tipo de fins de carácter social".
"A exemplaridade nos cargos públicos é algo moi importante e paréceme absolutamente desproporcionada esta medida", remarcou a nacionalista, para a que a Xunta debería mostrar "respecto" a "eses cidadáns que viron como durante os últimos anos de crise os seus salarios cada vez valen menos e a saída das crises non chegou ás súas vidas".
MELLORAS DE COMUNICACIÓNS
Estas manifestacións realizounas Ana Pontón en San Sadurniño (A Coruña), onde acudiu nesta xornada de venres xunto ao deputado Xosé Luis Rivas 'Mini' para realizar unha visita institucional a este Concello da bisbarra de Ferrolterra.
Alí foron recibidos por integrantes do Goberno local, co seu rexedor á fronte, Secundino García (BNG), que mostraron a Pontón e 'Mini' algunhas dependencias municipais, como a horta de conservación de árbores froiteiras autóctonas, o centro municipal de empresas ou a escola infantil municipal.
En declaracións aos medios, Pontón reclamou "melloras de mobilidade e un plan para esta bisbarra, coa modernización do ferrocarril", ao tempo que chamou a "darlle para adiante" a Vía de Alta Capacidade (VAC) da Costa Norte, que ten previsto unir Ferrol coa localidade lucense de San Cibrao.
Unha infraestrutura que como recordou "leva ata 16 anos de atraso", polo que chamou a que "exista unha aposta seria" dende a Administración para finalizala. "Nós imos reclamar fondos para acometer as expropiacións e que se inicien as obras canto antes", avanzou.
LIÑA FEVE
A voceiro do BNG no Parlamento de Galicia tamén demandou ao Goberno central a transferencia "ao Goberno da Xunta" do transporte ferroviario de FEVE "con fondos abondos para a súa modernización"
Segundo a líder frentista, este medio de transporte "podería ser un elemento de vertebración territorial moi forte, tal e como está a acontecer en Asturias", para logo criticar que "a intención real do Goberno do Estado para estas vías é o seu desmantelamento", sen ningunha previsión de gasto".
"Mesmo nos presupostos do ano pasado se anunciaba unha inversión de 12 millóns de euros e o único que o seu fixo foi eliminar esta partida", denunciou Pontón, quen chamou a acometer "cambios" nas actuais liñas de autobuses, xa que a seu entender "é un modelo pensado para fai 40 ou 50 anos e que nada ten que ver coas necidades da poboación de hoxe en día nin coa realidade social".
Ademais de San Sadurniño, a voceiro nacional da formación frentista tamén visitou este venres o Concello de Moeche (A Coruña), onde foi recibida pola súa alcaldesa, Beatriz Bascoy (BNG), e por outros membro do seu executivo.
