O PSdeG censura que Feijóo sexa "ouvinte" ante a negativa a debater sobre a AP-9

Leiceaga
PSDEG
Actualizado 14/09/2017 19:13:54 CET

SANTIAGO DE COMPOSTELA, 14 Sep. (EUROPA PRESS) -

O PSdeG censura que o titular da Xunta, Alberto Núñez Feijóo, adopte unha posición "de ouvinte" ante a negativa da Mesa do Congreso a debater o traspaso da autoestrada AP-9 a Galicia.

O portavoz do grupo socialista, Xoaquín Fernández Leiceaga, criticou a "dócil compracencia" de Feijóo, que resulta, ao seu xuízo, "prexudicial para os intereses dos galegos".

"Demóstrase cada día menos útil para Galicia", aseverou, antes de advertir que os galegos "se preguntan cada día para que serve un presidente que se pon de perfil nestas cuestións de país".

Por último, cuestionou que, "se xa coñecía" a decisión do seu partido, "por que non llo explicou aos galegos desde o Parlamento por exemplo cando decidiu apoiar a proposición de lei impulsada polos socialistas galegos".