Foto: EUROPA PRESS/REMITIDO
av2" class="NormalTextoNoticia" itemprop="articleBody">
VIGO, 16 Sep. (EUROPA PRESS) -
O grupo municipal do PSOE no Concello de Vigo manifestou este martes a súa "absoluta confianza na inocencia" do edil Ángel Rivas, imputado por un xulgado da cidade nunha investigación sobre prevaricación urbanística e negociacións prohibidas, e destacou o seu "recto proceder" nas súas tarefas administrativas e políticas.
Así o subliñou o voceiro do grupo, Carlos López Font, nunha rolda de prensa que se iniciou coa lectura, por parte de Ángel Rivas, do mesmo comunicado que remitiu o luns aos medios. Nel, o concelleiro imputado proclama a súa inocencia, defende a "legalidade e decencia" das súas actuacións e lamenta que as acusacións contra el son "completamente falsas".
Tras a lectura dese comunicado, tomou a palabra López Font para sinalar que o grupo municipal avala a Rivas, confía na súa inocencia, e defende o seu "recto proceder" que, insistiu o voceiro, é o que guía a actuación de todo o Goberno municipal. "É bo que teña a oportunidade de defenderse", apuntou o edil, quen, con esta frase, deu por concluída a rolda de prensa.
Malia a insistencia dos xornalistas, os concelleiros negáronse a responder ás preguntas, alegando que "pouco máis hai que dicir". O propio Rivas indicou que contestará aos medios despois de comparecer ante a xuíz, o 20 ou o 22 de outubro.
