SANTIAGO DE COMPOSTELA, 14 Mar. (EUROPA PRESS) -
O vicepresidente da Xunta, Alfonso Rueda, pediu aos sindicatos da administración de xustiza que negocien con "responsabilidade" e "sen posturas inamovibles, nin liñas vermellas, nin cifras inasumibles".
O tamén conselleiro de Presidencia, Administracións Públicas e Xustiza explicou que o Goberno galego volverá convocar unha mesa de negociación "esta semana", pero deixou claro que está "moi lonxe" do proposto polas organizacións sindicais. "Non podemos nin imos aceptalo", manifestou.
En declaracións aos medios antes de participar nun acto en Santiago de Compostela, Rueda insistiu en que a actual proposta dos sindicatos resulta "inasumible" para as arcas públicas, polo que os emprazou a adoptar unha postura flexible á hora de abordar a negociación.
Neste sentido, reiterou que a vontade da Xunta sigue sendo a de negociar, como demostrou na proposta de até sete ofertas económicas.
DEFENDE A PROPOSTA DA XUNTA
Así, o seu departamento defendeu que a última proposta económica do Executivo galego sitúa aos traballadores por encima da media das comunidades, tanto se se teñen en conta os criterios da Administración autonómica, que contabiliza 17 comunidades, como os dos propios sindicatos, que establecen 13 --12 autonomías máis o territorio ministerio que contan como un só todas aquelas autonomías que non teñen transferidas as competencias--.
Deste xeito, sinalou Rueda, "cúmprese o acordado" no Parlamento de Galicia. En total, esta proposta sumada ao incremento acordado a nivel estatal polo Ministerio de Facenda, suporía que estes traballadores pasasen a cobrar un 13% máis.
