SANTIAGO DE COMPOSTELA 24 May. (EUROPA PRESS) -
O Xulgado do Mercantil de Ourense condenou a NCG Banco a devolver a dous clientes un total de 7.987,71 euros que considera "cobrados de máis" debido á aplicación dunha cláusula solo incluída na súa hipoteca.
Ademais, o texto da sentenza, emitida este mesmo mes de maio, obriga á entidade a "recalcular e refacer, excluíndo a cláusula solo, os cadros de amortización" dos empréstitos hipotecarios, de modo que se contabilicen como amortizados 2.868,67 euros.
A xuíza declara nula a cláusula, incluída nun contrato formalizado en 2004 con esta entidade, ao considerala abusiva", e pide que se elimine do contrato subscrito polas partes.
En consecuencia, a sentenza esixe ao banco que devolva "cantas cantidades cobrara de máis en aplicación desta --a cláusula solo-- e que a data de presentación da demanda ascendían a 7.987,71 euros". Tamén require que se reintegren "todas aquelas cantidades que se paguen en exceso" durante o procedemento xudicial "en virtude da referida cláusula solo, máis o interese legal dende a data de cada cobramento ata a súa completa satisfacción".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)