Repróchalle, tras reclamar autonomía nesta materia, que "insista en recorrer a prácticas equivocadas"
A CORUÑA, 21 Nov. (EUROPA PRESS) -
A Consellería de Cultura, Educación e Ordenación Universitaria lamentou que a Universidade da Coruña (UDC) "insista en recorrer a prácticas equivocadas que confunden á opinión pública", sinala nun comunicado tras as súas alegacións reclamando autonomía para a provisión de postos temporais do persoal docente e investigador.
Nun comunicado, sinala que a UDC presentou "indebidamente" alegacións ao proxecto de presupostos da Xunta "esquecendo" que as súas peticións "deben suxeitarse" á normativa estatal.
"Dende o punto de vista da Consellería, nin a Xunta anula a autonomía das universidades nin o Parlamento galego debería ser o destinatario das demandas de rango estatal emanadas daquela institución", apunta.
NECESIDADES
Ao respecto, engade que o proxecto de Lei de Presupostos Xerais do Estado para o ano 2015 "dispón, con carácter de normativa básica, que non se procederá á contratación de persoal nin ao nomeamento de persoal estatutario temporal ou de funcionarios interinos agás nos casos excepcionais e para cubrir necesidades urxentes e inaprazables", engade.
Mentres, indica que, entre as excepcións, se inclúe as prazas de catedráticos de universidade; titulares e persoal de administración e servizo "sempre que a oferta de emprego público non afecte ao cumprimento dos obxectivos de estabilidade presupostaria", apostila.
