Radio Galega Música emite mañá en directo un concerto da Real Filharmonía dirixida por Antoni Wit

 

Radio Galega Música emite mañá en directo un concerto da Real Filharmonía dirixida por Antoni Wit

Actualizado 15/02/2006 17:36:43 CET

SANTIAGO DE COMPOSTELA, 15 Feb. (EUROPA PRESS) -

Radio Galega Música retransmitirá en directo o concerto que mañá ofrecerá en Santiago a Real Filharmonía de Galicia, baixo a batuta de Antoni Wit e coa participación de Kun Woo Paik ao piano, informou hoxe a Compañía de Radio Televisión de Galicia (CRTVG).

Pablo Barreiro presentará esta actuación, que constará no seu repertorio coa "Obertura", de Doberzynski; o "Concerto para piano número 1 en mi menor, op 11", de Chopin; "Orawa", de Kilar; e a "Sinfonía número 1 en si bemol maior op. 38 'Primavera'", de Schumann.

Esta emisión enmárcase no convenio de colaboración asinado polo director xeral da CRTVG, Benigno Sánchez, co alcalde e presidente do Consorcio de Santiago, Xosé Sánchez Bugallo, para difundir a labor da orquestra. A iniciativa está encamiñada a promover a cultura e a música achegándoa a todos os fogares a través dos medios de comunicación públicos.

O Convenio entre a Real Filharmonía e a Radio Galega prevé a gravación e radiodifusión dos concertos da orquestra compostelá, que celebra este ano o seu décimo aniversario. Precisamente con motivo do décimo aniversario da Real Filharmonía de Galicia, a Radio Galega vai editar un libro disco con gravacións da orquestra.

Nesta liña de apoio, ademais da gravación e retransmisión dos concertos, a Radio Galega dedica parte do seu coñecido programa "Clásicos na sobremesa", que se emite os domingos de tres a catro da tarde, e "Diario Cultural", de luns a venres no mesmo horario, á difusión do traballo da Filharmonía.

La actualidad más visitada en EuropaPress logo: La actualidad más vista
Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies