A Xunta convoca o vindeiro xoves a comisión de cooperación local, para analizar colaboracións cos municipios

Publicado 13/04/2017 14:49:08CET

SANTIAGO DE COMPOSTELA, 13 Abr. (EUROPA PRESS) -

A Xunta convocou para o vindeiro xoves a comisión de cooperación local, o órgano de coordinación entre o Goberno autonómico e a Federación Galega de Municipios e Provincias (Fegamp).

Nesta reunión, segundo indicou o Executivo galego a través dun comunicado, abordaranse asuntos de interese "común" nos ámbitos das emerxencias, a xestión da auga, os fondos de cooperación local e os centros de saúde, entre outros.

O obxectivo principal é "analizar as liñas de colaboración presentes e futuras" entre a Xunta e os 313 concellos, tal e como sinala o comunicado, a fin de "seguir beneficiando aos cidadáns".

Á cita acudirá o presidente galego, Alberto Núñez Feijóo, acompañado por varios membros do seu goberno, e o máximo responsable da Fegamp, o socialista Alfredo García, xunto cunha ampla representación da institución municipalista.

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies