UVIÉU, 07 de Payares (EUROPA PRESS)
Isaac del Rivero resultó ganador de la tercer edición del Premiu de cómic en llingua asturiana 'Alfonso Iglesias', que concede la Conseyería de Cultura y Deporte del Gobiernu asturianu.
El xuráu decidió esti llunes por unanimidá conceder el galardón a 'Doña Berta' por ser "una acertada adaptación del testu lliterariu de Leopoldo Alas 'Clarín' al llinguaxe propiu del cómic, asina como pola estraordinaria calidá de les ilustraciones, informó la Conseyería".
Isaac del Rivero (Colunga, 1931) ye dibuxante y guionista, amás del principal impulsor de munches de les iniciatives llevaes a cabu n'Asturies pa promocionar el cómic y el cine ente'l públicu infantil y xuvenil.
Esti compromisu y la so entrega valiéron-y numberosos galardones de prestixu, "qu'avalen trayectoria de dibuxante y el so continuu llabor de promoción del mundu del cómic y del cine", según la nota enviada al respecto.
