UVIÉU, 18 Oct. (EUROPA PRESS) -
El secretariu xeneral de la FSA-PSOE, Adrián Barbón, manifestó esti xueves que la FSA va enfotase "con tola fuercia y capacidá d'intermediación que tengan" pa revertir la decisión d'Alcoa de piesllar la factoría avilesina y que la mesma tenga futuru.
Nesti sentíu indicó que nun ye momentu "pa xugar nin debatir, pa echase la culpa unos a otros" y pidió a tola sociedá asturiana unidá pa que la empresa sepa "que va tenelos a toos enfrente".
"La empresa tien que saber que nun nos sirven escuses de mal pagador", manifestó Adrián Barbón, que recordó que la compañía en munchos años nun invirtió nin un euro nes instalaciones d'Avilés y La Coruña dexando pasar el tiempu pa llegar agora con escuses.
Barbón foi esti miércoles al Plenu estraordinariu nel que los grupos aprobaron por unanimidá una declaración institucional en contra del pieslle de la factoría.
"Recibimos la noticia con inmensu cabréu y los asturianos sentímonos realmente engañaos con una decisión de la empresa ensin mediar negociación previa nin tener en cuenta los numberosos empleos. Quiero mostrar la indignación de los socialistes asturianos", dixo Barbón.
