UVIÉU, 22 Oct. (EUROPA PRESS) -
Los militantes del PSOE de Xixón pudieron participar esti domingu na primer vuelta de les elecciones primaries pa la elección del so candidatu pa les elecciones locales próximes. Ana González y José Ramón Tuero foron los que más votos algamaron, polo que pasen a la segunda vuelta que se va celebrar el domingu 28 d'ochobre.
Na primer vuelta yeren trés los candidatos que midíen los sos apoyos. Constantino Vaquero quedó en tercer posición, mentes que González consiguió un 47,14 por cientu de los votos y Tuero un 33,9 por cientu, según informó al traviés de Twitter el secretariu xeneral de la Federación Socialista Asturiana (FSA-PSOE), Adrián Barbón.
Como nengún superó la barrera del 50 por cientu, los militantes van volver votar dientro d'una selmana na Casa del Pueblu ente los dos candidatos. Esi día yá se va conocer el candidatu y la proclamación definitiva va ser el 1 de payares.
