UVIÉU, 15 Nov. (EUROPA PRESS) -
Un argayu esbarrumbó una nave ganadera na localidá de Villazón, Salas, con 12 oveyes y dos gochos nel so interior. Amás obligó a desallugar dos viviendes pol riesgu de vese afectaes, según informó'l Gobiernu del Principáu.
Hasta la zona treslladóse yá la conseyera de Presidencia, Rita Camblor, que va informar dende ellí a los medios de comunicación. Bomberos de Pravia foron tamién al llugar pa valorar la situación.
Amás está madrugada desallugóse una vivienda aisllada pel agua n'El Matu, en Grau. Coles mesmes, bomberos con base en Piloña evacuaron a una familia aisllada pel agua nel mesmu conceyu piloñés na contorna del pasu a nivel de Reboira. Ye la segunda vez anguaño que tienen que dexar la so vivienda arrodiada pel agua.
