UVIÉU, 25 Nov. (EUROPA PRESS) -
El Boletín Oficial del Estáu (BOE) publica esti miércoles les dos órdenes ministeriales de Facienda qu'establecen el repartu de los 8.000 millones restantes del Fondu COVID a les CCAA, lo que va rematar l'asignación de los 16.000 millones totales d'esti mecanismu habilitáu pol Gobiernu pa garantizar los recursos de les comunidaes depués del impactu del andanciu.
Según informa la Delegación de Gobiernu, na Orde Ministerial que distribúi los 3.000 millones d'euros del segundu tramu sanitariu, hai 64 millones d'euros p'Asturies.
La otra Orde Ministerial fixa'l repartu de los 5.000 millones d'euros pa compensar la minoración de los ingresos autonómicos pola actividá económica menor nel andanciu, onde al Principáu correspuénden-y 96 millones d'euros.
En total, de los 16.000 millones d'euros del Fondu COVID, Asturies recibe 299 millones d'euros. Una cantidá "histórica", según la delegada del Gobiernu n'Asturies, Delia Losa, que considera que'l Gobiernu "ta dotando a les comunidaes autónomes d'una financiación histórica pa encarar una situación escepcional".
