La edá media de la población n'España supera pela primer vez los 43 años
MADRID/UVIÉU, 22 Ene. (EUROPA PRESS) -
La edá media de la población n'España superó pela primer vez los 43 años n'España, según datos del INE correspondientes al Padrón municipal a 1 de xineru de 2018. Per otru llau, la comunidá autónoma más avieyada d'España ye Asturies, con una edá media de 48,05 años.
Nel casu de los homes, la edá media ye 41,8 años. Nel casu de les muyeres, en 44,4. Con too, la edá media de los estranxeros ye de 36,01 años énte los 43,9 de los españoles.
Hai 20 años, en 1998, la edá media de la población n'España taba en 39,25 años. Nel añu 2001 superóse pela primer vez los 40 años de media d'edá y en 2010 pasóse a los 41 años. Los 42 años llegaron en 2014, y cuatro años más tarde, yá se superaron los 43.
La comunidá autónoma más avieyada d'España ye Asturies, con una edá media de 48,05 años; depués ta Castiella y Llión, con 47,35; Galicia, con 47,01; País Vascu, con 45,17; Aragón, con 44,73; La Rioxa con 44,21; Estremadura, con 44,12; Navarra, 43,08; Castiella-La Mancha, con 42,88; Cataluña, con 42,62 Cantabria, con 42,29; Madrid, con 42,12; Comunidá Valenciana, con 42,04; Andalucía, con 41,56; Canaries, 41,98; Baleares, 41,06; Murcia, con 40,22; Ceuta, con 37,01; y Melilla, con 35.28.
La provincia más avieyada d'España ye Ourense, con una edá media de 50,97 años. Xunto con ella, namás la provincia de Zamora supera los 50 años d'edá media (n 50,69 años, y Ourense, con 50,97 años.
Hai 20 años, en 1998, la edá media de la población n'España taba en 39,25 años. Nel añu 2001 superóse pela primer vez los 40 años de media d'edá y en 2010 pasáronse los 41 años. Los 42 años llegaron en 2014, y cuatro años más tarde, yá se superaron los 43.
