MADRID, 2 Feb. (EUROPA PRESS) -
El Bancu de la Reserva d'Australia anunció que'l diseñu nuevu del billete de 5 dólares nun va incluyir al rei británicu actual, Carlos III, sinón otru homenaxe entá por definir col que'l regulador quier reivindicar a los aboríxenes australianos.
La muerte de Sabela II desencadenó un cambiu de diseñu en múltiples ámbitos, tamién nel de les divises. Nel casu d'Australia, la difunta monarca nun van sustituyila pol so fíu como emblema de tolos billetes, dalgo que "apoya" tamién el Gobiernu.
El Bancu de la Reserva informó nun comunicáu de que va consultar colos representantes de los pueblos aboríxenes el diseñu nuevu, polo que completar el procesu pue durar "dellos años". Mentanto, va caltenese'l diseñu cola cara de Sabela II.
El fallecimientu de la reina alicó'l debate sobre la monarquía en dellos países de l'antigua órbita colonial. Australia proclamó oficialmente a Carlos III como'l so rei y el primer ministru actual, Anthony Albanese, a pesar de los sos enclinos republicanos, aseguró qu'un cambiu de réxime nun ye agora la prioridá.
