Barbón acepta "la crítica" de la oposición pero remarca que la mesa d'industria yera ente gobiernos y axentes sociales

El presidente del Principado de Asturias, Adrián Barbón
EUROPA PRESS
Publicado: martes, 15 octubre 2019 19:49

UVIÉU, 15 Oct. (EUROPA PRESS) -

El presidente del Principáu d'Asturies, Adrián Barbón, aceptó esti martes "la crítica" de la oposición por nun ser convidaos a la mesa rexonal d'industria celebrada esti llunes, pero remarcó que se trataba d'una xunta intergubernamental con axentes sociales, y nun una cuestión política.

En declaraciones a los medios al términu de la xunta sobre financiación autonómica, Barbón defendió que la d'ayeri foi una mesa na que se faló d'un "analís técnicu" de los efectos de la descarbonización.

Lo qu'interesa d'estes xuntes, precisó'l dirixente socialista, ye que tean presentes los Gobiernos, los conceyos y los axentes sociales. "Los partíos tampoco participen na negociación de la concertación social", remarcó. El Gobiernu, dixo, "demostró munches veces" la so voluntá d'alcuerdu, tamién n'asuntos rellacionaos cola industria.

Los portavoces parlamentarios del PP, Ciudadanos, Podemos, IX, Foru y Vox unviaron esti llunes un escritu al presidente del Gobiernu d'Asturies na que-y espresaben el so "fondu malestar" por nun ser convidaos al actu de constitución de la denominada 'Mesa Rexonal de la Descarbonización'.

Asturianu ofrecido por