UVIÉU, 24 May. (EUROPA PRESS) -
El secretariu xeneral de la FSA y candidatu socialista al Principáu, Adrián Barbón, reivindicó ser l'únicu partíu que defende'l sistema electoral asturianu, con trés circunscripciones --Occidental, Central y Oriental--, lo qu'al so xuiciu "garantiza la influencia política de les ales".
Asina lo recordó esti vienres en Less Arriondes, onde llamó a los votantes progresistes y moderaos del Oriente d'Asturies a concentrar el votu nel PSOE "énte otres opciones polítiques que nun van tener representación".
Barbón indicó qu'esti domingu "cada votu cuenta" y llamó a concentrar el votu nel PSOE "énte la involución que pue suponer un gobiernu con representación de la ultraderecha" y lo qu'ello supondría pa les polítiques sociales o pa la continuidá de los servicios sanitarios nesa zona, énte una derecha "que namás ve númberos".
"Nun vamos ser capaces de torgar que la estrema derecha llegue al parllamentu, pero si movilizamos y concentramos el votu nel PSOE vamos torgar que lleguen al Gobiernu", afirmó.
