UVIÉU, 23 Sep. (EUROPA PRESS) -
El presidente del Principáu d'Asturies, el socialista Adrián Barbón, va prologar el llibru 'Postrer adios', dedicáu a María Teresa Villaverde, Tuxa, la escritora a la que se dedica esti 2020 la Selmana de les Lletres Asturianes.
Esta obra, que se va regalar a toles persones que merquen lliteratura o música n'asturianu'l 2 d'ochobre próximu, recueye la obra conocida de Tuxa con edición y prólogu de Lluis Portal, y prólogu del presidente del Gobiernu d'Asturies, Adrián Barbón.
Tamién va producise un documental sobre esta figura de les lletres asturianes, 'Tuxa, sentimientu y tradición', nel que participen Lluis Portal, Raquel F. Menéndez y Marta López. Llibru y documental van presentase'l llunes 28 de setiembre a les 12.00 na Casa de los Hevia de Villaviciosa