UVIÉU, 19 Nov. (EUROPA PRESS) -
El Boletín Oficial del Principáu d'Asturies (BOPA) d'esti xueves el conveniu qu'atribúi a la Fundación Llaboral, Centru d'Arte, Creación Industrial y Promoción Cultural l'exerciciu de les facultaes pa la execución material de los planes y programes rellacionaos col Xacobéu 2021.
La Fundación Llaboral, Centru d'Arte, Creación Industrial y Promoción Cultural asume asina la capacidá de financiar y executar la programación oficial Xacobéu 2021 correspondiente al Principáu d'Asturies.
El Xacobéu 21 declaróse acontecimientu d'esceicional interés públicu, lo qu'implica que les actuaciones de mecenalgu que se realicen sobre esti eventu van poder acoyese al máximu de beneficios fiscales contempláu na llei de Mecenalgu.
Asturies nun tenía hasta esti momentu d'una entidá que pudiera asumir la xestión d'esti tipu d'iniciatives. D'equí p'alantre, la Fundación Llaboral Centru d'Arte va convertise nesi preséu de xestión.
