Actualizado 17/11/2009 12:00 CET

La campaña 'Doi la cara pola oficialidá' algama les 10.000 semeyes de persones qu'apoyen esta reivindicación

UVIÉU, 17 de Payares (EUROPA PRESS)

La Campaña 'Doi la cara pola oficialidá', que desarrolla'l Conceyu Abiertu pola Oficialidá (CAO) dende hai casi un añu y mediu, algamó yá les 10.000 semeyes de persones retrataes col mensaxe que da títulu a la iniciativa, según informaron güei los organizadores nuna nota prensa.

El próximu 28 de payares, sábadu, celebraráse en La Pola Siero un actu de celebración del llogru de la cifra. El programa d'actividaes de la cita anunciaráse mañana en rueda prensa.

La campaña 'Doi la cara pola oficialidá', entamó'l 3 de xunu del 2008. Consiste na recoyida masiva y esposición per Internet de semeyes individuales de persones retratándose con un mesmu cartel, que lleva'l testu que da nome a la campaña. Esta iniciativa creóse col oxetivu de llograr la reconocencia de la oficialidá de la llingua asturiana na próxima reforma del Estatutu d'Autonomía.

"Un añu depués", esplicó la nota, "la respuesta de la xente foi mui positiva, y yá son 10.000 les persones concretes que dan la Cara pola Oficialidá, dende xente anónimo hasta deportistes y músico", ente ellos el cantautor Victor Manuel, l'árbitru Mejuto González, el futbolista David Villa o'l ciclista Chechu Rubiera.

Asturianu ofrecido por