UVIÉU, 22 Jun. (EUROPA PRESS) -
El Comité Organizador del Descensu Internacional del Seya (CODIS) informó esti llunes de que nun se va celebrar anguaño podla situación sanitaria pol andanciu del coronavirus.
Según informó'l Comité en nota de prensa, tomó "con pesar grande" la decisión de suspender la prueba, al igual qu'en 2020. "El Seya ye una prueba mui popular, qu'axunta a un garapiellu de participantes y de públicu. La decisión de la suspensión tomóse dende la responsabilidá, el compromisu y el consensu coles autoridaes municipales y autonómiques", remarcaron.
El CODIS esplicó que trabayó "intensamente" nos últimos meses pa poder entamar la 84a edición del Descensu'l 7 d'agostu, planteando hasta feches alternatives. Sicasí, entienden que "el Seya tien de celebrase na so cita tradicional: el primer sábadu d'agostu".
