UVIÉU, 24 Nov. (EUROPA PRESS) -
El vicepresidente del Gobiernu asturianu, el socialista Juan Cofiño, acusó esti martes a Vox de pretender "invisibilizar" a les víctimes de violencia de xéneru con un "discursu populista".
Cofiño respondió na Xunta Xeneral del Principáu d'Asturies a una interpelación de la diputada de Vox Sara Álvarez, que reclamó a los socialistes que deroguen la llei orgánica integral contra la violencia de xéneru.
Según Álvarez, esa norma nun valió pa frenar les cifres d'asesinatos de muyeres pero sí para crear "chiringos feministes". Criticó Álvarez al "feminismu radical" por "criminalizar al home". "Hai que dicir non a la violencia, sía como sía la so forma", dixo.
Cofiño respondió-y que namás faltaría que dende Vox xustificaren dalgún tipu de violencia. Afirmó qu'existe una violencia "singular" que ye la de xéneru y qu'hai un consensu nesi sentíu
"Ustedes avérense a esti problema como lo que son, interesaos populistes", díxo-y Cofiño a Álvarez, a la que recordó que la llei contra la violencia de xéneru ta avalada pol Tribunal Constitucional. Amás, reprochó a Álvarez que lleve esi asuntu al parllamentu asturianu "siguiendo instrucciones de Vox Madrid".
