UVIÉU, 22 Oct. (EUROPA PRESS) -
El vicepresidente y conseyeru d'Infraestructures, Mediu Ambiente y Cambéu Climáticu del Gobiernu asturianu, el socialista Juan Cofiño, faló esti martes nel plenu de la Xunta Xeneral sobre'l peaxe del Güerna, na AP-66, l'autopista que xune Asturies con Llión.
El secretariu de Podemos, Daniel Ripa, preguntó-y pol asuntu na sesión plenaria esixendo'l rescate y acusando a los socialistes d'apostar por esi rescate. En negando qu'hubiera engañu dalgún del PSOE nesta materia, Cofiño repitió a Ripa que rescatar el peaxe ye "imposible".
Esplicó que queden entá trenta años de la concesión y qu'un rescate implicaría a l'alministración pagar por dos conceptos: l'arriquecimientu cesante y el dañu emerxente. Nesti puntu encamentó a Ripa a que vaiga al Rexistru Mercantil pa consultar les cuentes d'Aucalsa, la empresa que xestiona'l rescate. Los númberos, según el dirixente asturianu, valdríen pa que'l diputáu de Podemos diérase cuenta de que nengún gobiernu pue facer esi rescate.
