UVIÉU, 25 May. (EUROPA PRESSS) -
Los Conceyos costeros anunciaron esti llunes que van reclamar a los Gobiernos central y rexonal un fondu estraordinariu pa encarar los gastos que xeneren les sableres.
Tamién van buscar la cooperación técnica del Principáu d'Asturies pa establecer y xestionar l'operativu, amás de la collaboración de les Fuercies y Cuerpos de Seguridá del Estáu pal so control.
Amás va plantease una "revisión o clarificación" de les competencies sobre lesa sableres, porque un significativu númberu de Conceyos cuestiona que sía una responsabilidá local, según informó esti llunes la Federación Asturiana de Conceyos (FACC).
Pel momentu, los 19 Conceyos participantes alcordaron unes directrices xenerales que, al traviés de bandos municipales, establezan que l'usu de les sableres va ser llibre, públicu y de baldre pa los usos comunes y d'alcuerdu cola so naturaleza y conforme a les normes adoptaes poles autoridaes sanitaries.
Coles mesmes va recordase a los usuarios que tienen que respetar la distancia de seguridá establecida tanto nos accesos como na mesma sablera, esixéndose l'empléu de mázcares si nun s'asegura'l distanciamientu interpersonal de la normativa aplicable en cada momentu.
