AVILÉS, 13 Dic. (EUROPA PRESS) -
Un home que respuende a les iniciales de J.A.M.C. condenáronlu esti xueves a un añu y un día d'inhabilitación especial pa l'exerciciu de profesión, oficiu o comerciu que tenga relación colos animales y la tenencia d'animales depués de reconocer qu'abusara con calter libidinosu d'una yegua n'A Veiga.
La vista oral diba a celebrase nel Xulgáu de lo Penal Númberu 1 d'Avilés, pero en llegando a un alcuerdu de conformidá ente la defensa y la fiscalía, el xuiciu nun se fixo y l'acusáu aceptó los fechos que se-y imputaben y el Fiscal rebaxa'l pidimientu de pena de prisión a trés meses y un día, pero depués de la pitición de la defensa, y al nun tener antecedentes penales, el Fiscal aceptó retirar la pena de prisión de la condena.
Los fechos, según l'escritu fiscal, asocedieron el 17 d'avientu de 2017 a les 17.00 hores, cuando l'acusáu aportó a una finca na localidá de Montouto n'A Veiga, onde ató a un árbol a una yegua nuna zona de desnivel, baxóse los pantalones y introdució el so brazu na natura del animal, hasta que-y sorprendió la propietaria de la yegua y el so home.
Por estos fechos, la yegua, que taba n'avanzáu estáu de xestación, sufrió mancadures consistentes en traumatismu vaxinal y esgarres. L'acusáu va tener que facese cargu de les costes procesales y nun va poder delinquir nos dos años próximos.
