Publicado 29/09/2016 15:04

El conseyeru de Cultura critica l'usu folclóricu de la llingua na TPA

Genaro Alonso
EUROPA PRESS

UVIÉU, 29 de Setiembre (EUROPA PRESS)

El conseyeru d'Educación y Cultural del Gobiernu asturianu, Genaro Alonso, criticó esti xueves l'usu "folclóricu" que se da a la llingua asturiana na Televisión del Principáu d'Asturies.

Nel plenu de la Xunta Xeneeral, Alonso anunció también que la Conseyería d'Educación del Principáu d'Asturies envió una carta a la editorial Edelvives na que-y solicita'l cambiu del tratamientu que se-y da a la llingua asturiana n'unu de los sos llibros escolares, nel que se refier a la 'llingua' como dialectu.

A preguntes sobre esti asuntu pola diputada de Podemos Lucía Montejo nel plenu de la Xunta Xeneral del Principáu d'Asturies, el conseyeru de la materia del Gobiernu asturianu dixo que'l so departamentu siempre va actuar pa que los llibros esixíos a los alumnos asturianos tengan el debíu "rigor científico".

Montejo llamentó qu'haya llibros con "argumentos clásicos del nacionalismu llingüístico español" que niega la diversidá, que va en contra de la normativa actual que defende la llingua asturianu y pidió la retirada d'esti tipu de llibros. "Esti material nun ye deficiente, ye absolutamente escandaloso", díxo-y al conseyeru.

Alonso respondió coincidiendo cola diputada y diciendo qu'hai cuestiones d'esos llibros que-y resulten "intolerables", igual que tamién refuga que dellos medios de comunicación utilicen l'asturianu como "daqué folklórico". Dixo qu'un exemplu d'esti asuntu ye lo qu'asocede na Televisión del Principáu d'Asturies (TPA).

Asturianu ofrecido por